“The MongolZ” баг “Thunderpick World Championship-2024” тэмцээнд түрүүлж аваргын цом, 500 мянган ам.долларын шагнал хүртсэн тухай hltv.org сайтад мэдээлжээ.

Герман улсын Берлин хотын “LVL Dome” аренад болсон тус тэмцээний шийдвэрлэх тоглолтод The MongolZ баг хүчтэй өрсөлдөгч “Heroic” багийг хожсон байна. Ийнхүү монгол баг энэ онд гурав дахь удаагаа олон улсад аваргалж буй ажээ.

Тэдний тухай шигшээ тоглолтод европын багтай тулсан ч “The MongolZ” Берлинд үзэгчдийн дуртай тоглолтыг үзүүлж, байлдан дагуулж чадлаа. Тэд нэг долоо хоног хүрэхгүй хугацааны дараа буюу 11 дүгээр сарын 11-нд “Perfect World Shanghai Major Asia RMR” тэмцээнд бэлтгэхийн тулд богино хугацаанд “араагаа солих” шаардлагатай болно гэжээ.