100 буудалт даамын өсвөр, залуучуудын ДАШТ Польш улсын Шкалярска Пореба хотноо болж байна. Өнгөрсөн сарын 25-нд эхэлсэн тэмцээний үндсэн төрөл өнөөдөр өндөрлөж аваргууд тодорчээ.

Монгол Улсын баг тамирчид дөрвөн алт, хоёр мөнгө, хоёр хүрэл медаль хүртэж багийн дүнгээр тэргүүн байр эзэлсэн байна. Ийнхүү манай улсын баг өсвөр, залуучуудын ДАШТ-д гурав дахь удаагаа аваргалж буй юм.

Тамирчин Б.Оюун-Үжин, Г.Дэлгэрмаа, Б.Тамир, Б.Алтанхүү нар алт, Б.Алтан -Эрдэнэ, З.Отгонсүрэн мөнгө, Д.Ангараг, Н.Түвшинбаяр хүрэл медаль хүртжээ.