Олон улсын ахмадын өдөр тохиож байна. НҮБ-аас 1990 онд жил бүрийн 10 дугаар сарын 1-ийг “Олон улсын ахмадын өдөр” хэмээн зарласан бөгөөд Монгол Улс 1992 оноос албан ёсоор тэмдэглэж иржээ.

Үндэсний статистикийн хорооноос гаргасан мэдээллээр Монгол Улсын нийт ахмадын 40,3 хувь нь эрэгтэй бол 59,7 хувь нь эмэгтэй байна. Улсын хэмжээнд хамгийн өндөр настан 107 настай хүн энх тунх аж төрж байгаа аж.

Мөн 2023 оны байдлаар улсын хэмжээнд нийт хүн амын 9,8 хувийг ахмадууд эзэлсэн бөгөөд энэ тоо хүн амын хэтийн тооцооллоор 2050 онд 19 хувьд хүрэх төлөвтэй байгаа юм.

Эх орныхоо хөгжил цэцэглэлт, бүтээн байгуулалтад алдар гавьяа, хөдөлмөр бүтээлээ зориулсан нийт ахмадууддаа “Олон улсын ахмадын өдөр”-ийн мэнд хүргэе.