Төлөвлөгөөт зам засварын ажлууд нийслэлд үргэлжилж байгаа билээ. Тэгвэл энэ долоо хоногийн лхагва гаргаас энэхүү ажлыг үргэлжлүүлэх эсвэл зогсоох тухай санал асуулгыг иргэдээс авч эхэлсэн.

Өнөөдөр буюу есдүгээр сарын 13-ны 16:00 цагийн байдлаар уг санал асуулгад 1543 хүн оролцсоноос 1392 буюу 90 хувь нь зам засварын ажлыг зогсоож, хойшлуулахыг дэмжээгүй бол үлдсэн 10 хувь буюу 151 хүн дэмжиж байна гэжээ.

Ийнхүү нийслэлийн Засаг дарга Х.Нямбаатарын санаачилгаар эхэлсэн "Шинээр хийгдэх зам засварын ажлуудыг ирэх жил хүртэл хойшлуулж, төсөв хөрөнгийг нь хуулийн байгууллагаар шалгуулъя” сэдэвт санал асуулгад оролцогчийн олонх нь зам засварын ажлыг зогсоох шаардлагагүй гэж үзэж буй аж.

Санал асуулгад https://vote.ulaanbaatar.mn/citizen/survey линкээр дамжин нэвтэрч оролцох боломжтой.