Монгол банк манай улсад банкны тогтолцоо үүссэний 100 жилийн ойд зориулан дурсгалын 5000 төгрөгийн мөнгөн дэвсгэртийг цөөн тоогоор гүйлгээнд гаргажээ. 

100 жилийн ойд зориулсан мөнгөн дэвсгэртэд УИХ-аар баталсан мөнгөн дэвсгэртийн загвар, тодорхойлолтын дагуу бүх хэв шинжийг агуулахын зэрэгцээ сүүлийн үеийн шинэ технологиор бүтээгдсэн хамгаалалтын элементүүдийг шингээжээ. 

Үүнд: 

• Хэт ягаан туяаны гэрэлд гурван өнгөөр тодорч харагдах Соёмбо, 
• Гурван хэмжээст, өнгө нь хувирч солонгорон харагдах элемент бүхий банкны тогтолцоо үүсэж, бэхэжсэний 100 жилийн ойн лого 
• Баруун доод хэсэг дэх морьтон баатар, 
• Зүүн ирмэгт харааны бэрхшээлтэй иргэдэд зориулсан зургаан ширхэг ташуу зураасан товгор таних тэмдэг 
• Дэвсгэртийн ар талд сүүлийн үеийн тасалдаж харагдах хөдөлгөөнт микро оптик тууз зэргийг шинээр байршуулжээ.