Иргэдийн төлөөлөгчдийн хурлын сонгууль ирэх наймдугаар сард болохтой холбогдуулан тус сарын 12-ны өдрөөс иргэний шилжилт хөдөлгөөнийг зогсоох болсныг Улсын бүртгэлийн ерөнхий газраас мэдээллээ.

Учир нь Орон нутгийн сонгуулийн тухай хуулийн 24 дүгээр зүйлийн 24.1 дэх хэсэгт "Иргэний засаг захиргааны нэг нэгжээс нөгөө нэгжид шилжин суурьших хөдөлгөөнийг санал авах өдрөөс 60 хоногийн өмнө зогсоож, санал авах өдрийн дараах өдрөөс сэргээнэ" гэж заасан байдаг юм байна.