06 сарын 26, 2024
Наадмын тасалбар, зөвшөөрлийг ирэх сарын 1-ээс цахимаар худалдана
Наадмын тасалбар, зөвшөөрлийг ирэх сарын 1-ээс цахимаар худалдана

Баяр наадмын тасалбар суудлаасаа хамаарч 80.000, 100.000, 150.000 төгрөгийн үнэтэй байна.

Үндэсний их баяр наадмыг зохион байгуулах бэлтгэл ажлын талаарх мэдээллийг өнөөдөр холбогдох албаныхан өгсөн.

Тус мэдээллээр баяр наадмын тасалбар суудлаасаа хамаарч 80.000, 100.000, 150.000 төгрөгийн үнэтэй байна. Тасалбар, автомашины зөвшөөрлийг www.enaadam.mn сайтаар долоодугаар сарын 1-ний өдрөөс худалдаалахаар бэлтгэл ажлыг хангаж байна гэлээ. Тасалбар бүр дээр баяр наадмын хөтөлбөр, зохион байгуулагдах арга хэмжээнүүдийг мэдээлэл бүхий  QR код байрлуулж мэдээллийг хүргэх юм байна.

Мөн өнөөдрийн байдлаар баяр наадмын бэлтгэл ажил  80 хувьтай явж байгаа бөгөөд Төв цэнгэлдэх хүрээлэнд авто зогсоол шинээр байгуулах, зам засах зэрэг тохижилт, засвар үйлчилгээний ажил үргэлжилж байгаа аж.