Монгол Улсын Ерөнхийлөгч У.Хүрэлсүх  Бүгд Найрамдах Узбекистан Улсад хийж буй төрийн айлчлал хийж байгаа билээ. Энэхүү айлчлалын үеэр Монгол Улсын Элчин сайдын яамыг тус улсын нийслэл Ташкент хотноо нээжээ.

Нээлтийн ёслолд Монгол Улсын Ерөнхийлөгч У.Хүрэлсүх, Бүгд Найрамдах Узбекистан Улсын Ерөнхий сайд А.Арипов, Гадаад хэргийн сайд Б.Саидов, Монгол Улсаас Бүгд Найрамдах Узбекистан Улсад суугаа Элчин сайд Д.Батбаатар болон албаны хүмүүс оролцлоо.

Элчин сайдын яам худалдаа, хөрөнгө оруулалтыг нэмэгдүүлэх, иргэдийн солилцоо, ард түмний найрамдал, нөхөрлөлийг бататган бэхжүүлэхэд чухал хувь нэмэр оруулахыг тэмдэглэсэн байна. Өмнө нь Монгол Улсын Ерөнхий консулын газар 1977-1994 онд Ташкент хотноо ажиллаж байжээ.