Монгол орны ихэнх нутгаар бороошиж байна. Их хэмжээний бороо үргэлжлэн орсны улмаас өнөөдрийн байдлаар Хариг, Идэр, Хөгшин Орхон, Хэрлэн, Сэлбэ зэрэг гол үерийн түвшинг 5-30 см даван үерлэж, Буянт, Ховд гол үерийн аюултай түвшинд хүрсэн байдалтай байгаа аж. 

Харин маргааш Туул гол орчимд усны түвшин 25 см, Алтанбулаг орчимд 35 см, Хэрлэн голын эхээр 10-20 см тус тус нэмэгдэх төлөвтэй байгааг мэргэжлийн байгууллагууд танилцууллаа. 

Иймд 

• Голын эрэг хөвөө дагуу бууж суурьшихгүй байх, 
• Бага насны хүүхдүүдэд хараа хяналт тавих, 
• Голын татам хөвөө болон үерийн аманд суурьшихгүй байх, 
• Баталгаатай гарам гүүрээр гарч байх, 
• Хот суурин газрын үерийн ус зайлуулах суваг, хоолойн ус чөлөөтэй урсах нөхцөлийг бүрдүүлэх, 
• Хамгаалалтын далангийн бэлэн байдлыг хангах, бусад урьдчилан сэргийлэх арга хэмжээг авч ажиллахыг иргэд, аж ахуйн нэгжүүдэд зөвлөлөө.