Нийслэлийн нутаг дэвсгэрт саяхан орсон түр хугацааны ширүүн борооны улмаас айлын, хашаа усанд автсан дуудлагын дагуу нийслэлийн Онцгой байдлын байгууллагын аврагч, алба хаагчид иргэдийн аюулгүй байдлыг ханган ажиллаж байна.

Тодруулбал, 21:30 цагийн байдлаар Сонгинохайрхан дүүргийн 32, 33 дугаар хорооны нутаг дэвсгэрт айлын гэр, хашаа усанд автсан 12 дуудлага, автомашин үерт урссан нэг удаагийн дуудлага мэдээлэл бүртгэгджээ.

Дуудлагын дагуу НОБГ-ын Аврах ангийн бүрэлдэхүүн иргэдийн аюулгүй байдлыг ханган үүрэг гүйцэтгэж байна гэж тус газраас мэдээллээ.