Хар хил гэдэг нь хагарсан мөс хоёр тийш ярагдаж, завсар гарахыг хэлнэ.
Хөвсгөл нуурын Хадан хүй, Тургийн ам зэрэг газруудад хар хил гарсан байна. Тодруулбал, Тургийн аманд 60 см өргөн хар хил гарсан тул нутгийн иргэд болон жуулчдыг нуурын мөсөн дээгүүр зорчихгүй байх, баталгаат зам гүүрээр явахыг Онцгой байдлын газраас анхаарууллаа.
Хөвсгөл нуур Хатгал тосгон болон Ханх сум орчимд битүү мөсөн бүрхүүлтэй болсон бөгөөд мөсний зузаан 35-40 см байгаа нь олон жилийн дунджаас 5-15 см-ээр бага хэмжээ юм.
