АНУ-ын Тэнгисийн цэргийн академийн 170 дахь удаагийн төгсөлтийн арга хэмжээ өчигдөр боллоо. Тус академийг С.Санаасайн амжилттай төгссөнөөр  АНУ-ын Тэнгисийн цэргийн академийг дүүргэсэн Монгол улсын анхны хүн  болж байгаа юм. 

1845 онд байгуулагдсан тус академийг 2024 онд 725 эрэгтэй, 315 эмэгтэй  буюу нийт 1040 сонсогч төгсжээ. Тэдний дотор гадаадын 11 улсын 13 сонсогч төгссөн юм байна. 

Төгсөлтийн арга хэмжээнд АНУ-ын Батлан хамгаалахын сайд Л.Остин, Тэнгисийн цэргийн асуудал эрхэлсэн нарийн бичгийн дарга Карлос Дел Торо, мөн тус академийн захирал дэд адмирал Иветт Дэвидс нар оролцжээ. 

Харин манай улсаас АНУ-д суугаа Онц бөгөөд бүрэн эрхт Элчин сайд Ө.Батбаяр, Батлан хамгаалахын атташе хурандаа Э.Гансүх нар хүндэт зочноор уригдан, оролцсон юм байна.