Засгийн газрын өнөөдрийн хуралдаанаас энэ жил болох хурдан морины бүсийн уралдааныг аймгуудын баяр наадамтай хамтатган зохион байгуулах шийдвэрийг гаргасан байна.

Тодруулбал, Булган аймгийн баяр наадмыг долоодугаар сарын 7-8-нд, Говьсүмбэр, Баянхонгор, Өмнөговь аймгийн баяр наадмыг долоодугаар сарын 27, 28-нд, Орхон аймгийн баяр наадам, Эрдэнэт хот, Эрдэнэт үйлдвэрийг бүтээн босгосон “Илгээлтийн эзэд-50” жилийн ойн баяр наадмыг наймдугаар сарын 1-2-нд тэмдэглэхээр тогтжээ.

Улмаар хурдан морины 2024 оны бүсийн уралдааныг аймгийн баяр наадамтай хамтатган зохион байгуулахыг Говьсүмбэр, Баянхонгор, Өмнөговь болон Орхон аймгийн удирдлагуудад даалгасан байна.