Улсын хүн амын өсөлтийг дэмжих бодлогын үүднээс “Эхийн алдар” одонг 1957 оноос эхлэн олон хүүхэд төрүүлж, өсгөсөн эхчүүдэд жил бүр олгодог болжээ.

Энэ жил улсын хэмжээнд 11,294 ээж “Эхийн алдар” нэг, хоёрдугаар одон хүртэх юм байна. Энэ нь өмнөх оноос 526-аар өссөн үзүүлэлт ажээ.

Холбогдох хуульд зааснаар зургаан хүүхэд төрүүлж өсгөсөн эхийг нэгдүгээр зэргийн, дөрвөн хүүхэд төрүүлж өсгөсөн эхийг хоёрдугаар зэргийн одонгоор шагнадаг. Нэгдүгээр зэргийн одонтой ээжүүдэд 200 мянга, хоёрдугаар зэргийн одонтой бол 100 мянган төгрөгийн тэтгэмж өгдөг. Үүнийг хоёр дахин нэмэгдүүлэхээр Засгийн газраас судалж буй юм байна.

Өнгөрөгч оны байдлаар улсын хэмжээнд 208 мянган одонтой ээж байгаагийн 78 мянга нь нэгдүгээр, 130 мянга нь хоёрдугаар зэргийн одонтой гэх судалгаа байна.