Эцэг эхчүүд бага насны хүүхдээ хийлдэг гудас, завь зэргээр голын усанд тоглуулдаг. Гэвч энэ нь модны мөчирт сүлбэгдэж хагарах, мөн ширүүн урсгал болон хүчтэй салхинд хийсэх зэрэг эрсдэлтэйг ОБЕГ-аас анхаарууллаа. 

Улсын хэмжээнд өнгөрсөн онд 50 гаруй иргэн усанд осолдож нас баржээ. Өнгөрсөн долоо хоногт л гэхэд нийслэлд хоёр хүн усанд осолдож амиа алдсан байна

Иймд 

• Гэр бүл найз нөхөд, хамт олноороо амралт зугаалгаар явахдаа нэгнийгээ бүртгэдэг байх
• Хүүхдийг гол горхи, нуур, цөөрөм рүү харгалзах хүнгүй явуулж тоглуулахгүй байх
• Согтууруулах ундаа хэрэглэсэн үедээ гол усанд орохгүй байх
• Булчин, шөрмөс татах үед гол усанд орохоос татгалзах
• Түргэн урсгалтай гүнзгий усанд сэлэхээс зайлсхийх
• Гол горхи, нуурын ус гатлахдаа зориулалтын гарам, гүүрээр гарах зэргээр  ослоос урьдчилан сэргийлэхийг анхаарууллаа.