“Манчестер Юнайтед” багийн хөгжөөн дэмжигч Уэйн Рүүниг шүтэн биширдэг Б.Очирвааны аяллын нэвтрүүлэг ойрын өдрүүдэд олны ярианы халуун сэдэв боллоо. Тэрбээр “Олд Траффорд” цэнгэлдэхэд хайртай багийнхаа тоглолтыг үзэх мөрөөдлөө биелүүлэхийн тулд 20 улсаар дамжиж, 14,000 километр замыг туулсны эцэст зорьсондоо хүрсэн юм. Тэгвэл түүний шүтэн биширдэг Уэйн Рүүнийгийн талаарх сонирхолтой баримтуудыг хүргэе.

• Тэрбээр “Манчестер Юнайтед” клубийн бүрэлдэхүүнд нийт албан ёсны 559 тоглолтод оролцож 253 гоол оруулсан бөгөөд тус амжилт нь түүнийг “Манчестер Юнайтед”-ын бүх цаг үеийн мэргэн бууч болгосон.
• Түүнийг хөлбөмбөг сонирхогчид “Цагаан Пеле” хэмээн хочилдог.
• Уэйн Рүүни 2021 оны эхээр тоглогчийн карьераа өндөрлөсөн. Одоогоор "Бирмингэм Сити" клубт гурван жил хагасын гэрээтэйгээр дасгалжуулагчаар ажиллаж байна.
• Тэрбээр 2017 онд Манчестер хотын ойролцоо согтуугаар жолоо барьж, машин барих эрхээ хоёр жилээр хасуулж байсан.
• Түүний эмээ нь Ирланд гаралтай бөгөөд Рүүниг 16 настай байхад Ирландын хөлбөмбөгийн шигшээ багт тоглох санал анх ирсэн гэдэг. Харин тэр Английн шигшээ багт тоглох мөрөөдөлтэй байсан учраас тус саналаас татгалзаж байжээ.
• Тэрбээр Английн шигшээ багт 17 нас 111 хоногтой байхдаа дуудагдаж байсан нь шигшээ багийн түүхэн дэх хамгийн залуу тоглогч болж түүхэнд үлдсэн.
• 2008 онд Италийн Генуя хотын ойролцоох Сервара сүмд Колин МакЛофлинтой гэрлэжээ. Тэдний хуримын зардал найман сая ам.доллар болж байсан нь тухайн үедээ олныг гайхшруулж байв.