Цаг уур, орчны шинжилгээний газраас гаргасан энэ сарын 11-15-ныг хүртэлх тав хоногийн урьдчилсан мэдээг хүргэж байна.

Хур тунадас:

11-нд Онон, Улз, Халх голын сав газраар, 12-нд Монгол-Алтайн уулархаг нутаг болон Увс нуурын хотгороор, 13-нд баруун болон төв, зүүн аймгуудын нутгийн хойд хэсгээр, 14-нд Монгол-Алтай, Хангай, Хэнтийн уулархаг нутгаар бороо, уулаараа нойтон цас орно.

Салхи:

Ихэнх хугацаанд секундэд 6-11 метр, 11, 14-нд говь, тал, хээрийн нутгаар, 12-нд Монгол-Алтайн уулархаг нутгаар, 13-нд нутгийн зарим газраар  секундэд 14-16 метр хүрч ширүүсэж, шороон шуурга шуурна.

Агаарын температур:

11-нд нутгийн баруун өмнөд хэсгээр, 12-нд ихэнх нутгаар дулаарч Монгол-Алтай, Хөвсгөл, Хэнтийн уулархаг нутаг, Дархадын хотгор, Завхан голын эх, Хүрэнбэлчир орчим, Тэс голын хөндийгөөр шөнөдөө 0...+5 хэм, өдөртөө +15...+20 хэм, говийн бүс нутгаар шөнөдөө +11..+16 хэм, өдөртөө +26...+31 хэм, бусад нутгаар шөнөдөө +5...+10 хэм, өдөртөө +21...+26 хэм дулаан байна. 13-нд нутгийн хойд хэсгээр, 14-нд нутгийн зүүн хэсгээр сэрүүснэ.