Хэнтий, Дорнод аймгийн нутаг дэвсгэрт гарсан ой, хээрийн түймрийг унтраажээ. Хэнтий аймгийн Норовлин сумын Онон багийн “Бэрхийн давааны-Ар” гэдэг газар өнгөрөгч дөрөвдүгээр сарын 30-нд гарсан ойн түймрийг энэ сарын 1-ний 20:00 цагт унтраасан байна.

Мөн Дорнод аймгийн Матад сумын Буян-Өндөр багийн “Бадам-Иш” гэдэг газар тавдугаар сарын 1-ний 18:00 цагт гарсан хээрийн түймрийг өчигдөр 00:08 цагт унтраажээ.

Эдгээр түймэрт 38430 га орчим талбай өртөж шатсан гэдгийг урьдчилсан байдлаар тогтоосон байна.