Хорват улсын Загреб хотод болж буй "World Dog Show 2024" дэлхийн аварга шалгаруулах тэмцээнд анх удаа оролцсон Монгол банхар тэмцээний 11-р группийн нийт 18 үүлдрийн ноходтой өрсөлдөж, түрүүлснээр “Best in group” батламжийг авлаа. 

Одоогоор “Дэлхийн нохой судлалын холбоо”-нд нийт 367 үүлдэр албан ёсоор бүртгэлтэй бөгөөд тэднийг хоньч, анч нохой гэх зэргээр 11 группэд ангилдаг юм байна. Харин 11-р группэд  хараахан тус холбоонд албан ёсоор бүртгэгдээгүй нохдыг хамруулж, нэрлэдэг аж. 

"Монголын нохой судлалын холбоо"-ноос "World Dog Show 2024" тэмцээндМонгол банхар  оролцсоноор цаашдаа 2025 онд тус үүлдрийг FCI-д бүртгүүлэх хүсэлт гаргахад том нөлөө үзүүлнэ гэж найдаж байгаа юм байна.

Монгол банхар дэлхийн 18 үүлдрийн ноходтой өрсөлдөж, түрүүллээ