Playtime 2024  наадамд өмнөх оноос хоёр дахин их буюу 21 улсын 50 гаруй хамтлаг, уран бүтээлчдээс бүрдсэн нийт 180 гаруй хүнтэй бие бүрэлдэхүүн оролцохоор болжээ. Дэлхийн  нэр хүндтэй хамтлаг, уран бүтээлчид, зочдоор дамжуулан олон сая дагагчдад нь зөвхөн “Playtime” наадмыг бус Улаанбаатар хотын соёл урлагийг сурталчлахаар зорьж байгаа аж. 

Мөн 2013 оноос хойш гадаад хамтлаг дуучдыг урьж оролцуулж байгаа уг наадам нь 2027 онд Азийн топ таван хөгжмийн наадмын нэг болох зорилго тавин ажиллаж буйг наадмын үүсгэн байгуулагч, хөгжмийн хөтөлбөрийн захирал Ц.Нацагдорж онцоллоо. 

Энэ оны долоодугаар сарын 4, 5, 6, 7-ны өдрүүдэд болох “Playtime” наадам 35,000-40,000 үзэгчид хүлээн авахаар тооцоолж байна.