Энэ оны нэгдүгээр улиралд манай улсаас Бүгд Найрамдах Солонгос улс руу 312, Япон улс руу 12 иргэн хөдөлмөрийн гэрээгээр ажил эрхлэхээр зуучлагдсан байна. 

Энэ нь өмнөх улирлаас 62 хүнээр өссөн үзүүлэлт аж. Зуучлагдсан иргэдийн 34 хувь нь 25-29, 2,5 хувь нь 40-44 насныхан байна. Тэдний 96,9 хувь нь боловсруулах үйлдвэрлэлийн салбарт ажиллаж байгааг мэдээлэв.

Харин манай улсад гадаадын 102 улсын 8,1 мянган иргэн хөдөлмөрийн гэрээгээр болон сайн дурын ажил хийх зорилгоор амьдарч байна. Тэдний 3,4 мянга нь Улаанбаатарт, 3,3 мянга нь төвийн бүсэд, 1,1 мянга нь зүүн бүсэд, 229 нь хангайн бүсэд, 140 нь баруун бүсэд ажиллаж, амьдардаг байна.