Улсын хэмжээнд дөрөвдүгээр сарын 15-ны байдлаар Булган, Дорнод, Сүхбаатар, Сэлэнгэ, Ховд, Хөвсгөл, Хэнтий зэрэг  8 аймгийн 18 суманд 29 удаагийн ой, хээрийн гал түймэр бүртгэгдэж, 70172 га талбай шатсан байна.

Сүүлийн арван жилийн хугацаанд  буюу 2010-2021 оны дунджаар ой, хээрийн түймрийн улирлын үргэлжлэх хугацаа 225 хоног буюу жилийн 61.6%-ийг эзэлж байна. Үүнийг өмнөх 10 жилтэй харьцуулахад 88 хоногоор нэмэгджээ.

Хаврын хуурайшилттай, салхи, шуургатай үед ой, хээрийн гал түймэр гарсан тохиолдолд маш хурдан тархдаг тул  хүн, мал, ан амьтан, эд хөрөнгө, байгаль экологид их хэмжээний хохирол учруулдаг.

Иймд:

• Ой, хээрт зорчихдоо асаасан гал, шүдэнз, татсан тамхины гал, цог, түүдэг гал, үнс нурмыг бүрэн унтраах,
• Халуун үнс, нурмыг тусгайлан бэлдсэн таглаа бүхий нүх, саванд хийх, гэр сууц, хашаа хорооны гадуур түймрээс хамгаалах зурвас татах,
• Айл өрхүүд хог, өвсийг ил задгай шатаахгүй байх,
• Шашны зан үйл хийхдээ арц, хүж, зул, асааж орхихгүй байх,
• Агнуур хийх үед галт сум хэрэглэхгүй байх,
• Түймрийн аюултай улиралд хог, хаягдлыг зөөж тээвэрлэх, хаяхдаа гал түймрийн аюулгүй байдлыг хангаж сум, дүүргийн байгаль хамгаалагчийн хяналтын дор гүйцэтгэх зэргээр ой, хээрийн түймрээс урьдчилан сэргийлэхийг анхааруулж байна.