Цаг уур, орчны шинжилгээний газраас гаргасан ирэх тав хоногийн цаг агаарын урьдчилсан төлвийг хүргэж байна.

Хур тунадас:

Дөрөвдүгээр сарын 17-нд Хангай, Хөвсгөл, Хэнтийн уулархаг нутаг, Орхон-Сэлэнгийн сав газраар,

18-нд баруун болон зүүн аймгуудын нутгийн зарим газраар, 19-нд нутгийн баруун хэсгээр хур тунадас орно.

Салхи:

Ихэнх хугацаанд баруунаас секундэд 7-12 метр.

Агаарын хэм:

Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -9...-14 хэм хүйтэн, өдөртөө 0...+5 хэм дулаан,

Алтай, Хангай, Хөвсгөл, Хэнтийн уулархаг нутаг, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө -3...-8 хэм хүйтэн, өдөртөө +4...+9 хэм,

Говийн бүс нутгийн өмнөд хэсгээр шөнөдөө +3...+8 хэм, өдөртөө +15...+20 хэм дулаан, бусад нутгаар шөнөдөө -3...+2 хэм, өдөртөө +9...+14 хэм дулаан байна.