Онцгой байдлын байгууллагаас мэдээлснээр Хэнтий аймгийн Дадал, Төв аймгийн Баян-Өнжүүл, Хөвсгөл аймгийн Эрдэнэбулган суманд гарсан түймэрт 206,5 га талбай өртсөн гэдгийг урьдчилсан байдлаар тогтоожээ.  

Монгол оронд гарч буй ой, хээрийн түймрийн 60 гаруй хувь нь дөрөв, тавдугаар сард тохиолдож байгаа бөгөөд хүний буруутай үйл ажиллагаанаас үүдэх нь олон байдаг.

Иймд иргэд та бүхнийг ой, хээрийн бүсэд зорчихдоо сонор сэрэмжтэй байж болзошгүй эрсдэл үүсгэхээс урьдчилан сэргийлэхийг онцгойлон анхааруулж байна.