Уулархаг нутгуудаар болон Дорнодын тал нутгаар өнөөдөр, маргааш бороо, нойтон цас орно. Мөн энэ сарын 12-нд баруун аймгуудын ихэнх нутаг, төвийн аймгуудын нутгийн баруун хэсгээр, 13-нд баруун болон төвийн аймгуудын ихэнх нутаг, говийн аймгуудын нутгийн хойд хэсгээр бороо, нойтон цас, цас орж, цасан шуурга шуурна.

Салхи 11-ны өдөр Монгол-Алтайн уулархаг нутгаар, 12-нд Алтайн салбар уулс, Арц Богдын өвөр хоолойгоор, 13-нд ихэнх нутгаар секундэд 18-20 метр, зарим үед секундэд 24 метр хүрч ширүүсэж, шороон шуурга шуурна. Түүнчлэн 12-нд баруун аймгуудын нутгийн баруун хэсгээр, 13-нд баруун болон төвийн аймгуудын нутгаар хүйтэрнэ гэж мэргэжлийн байгууллагуудаас мэдээлэв.

Иймд иргэд, малчид, тээвэрчид та бүхнийг цаг агаарын аюулт үзэгдлээс сэрэмжилж, болзошгүй эрсдэлээс сэргийлэхийг Онцгой байдлын байгууллагаас анхааруулж байна.