Геодези, усны барилга байгууламжийн газар өчигдөр шар усны үерийн нийт 20 дуудлага, мэдээлэл хүлээн авч, 116 удаагийн рейсээр 4684 тонн усыг соруулж, аюулгүй болгосон байна. Дуудлага мэдээллийн дагуу 33 хүн, 12 машин механизмтай ажиллаж, дараах байршлуудад хариу арга хэмжээ авчээ.

Тодруулбал:

• Хан-Уул дүүргийн 2-р хороо, Наадамчдын замд гурван рейсээр 30 тонн,
• Яармагийн гүүрний нүхэн гарцаас 10 рейсээр 100 тонн,
• Сонгинохайрхан дүүргийн 15-р хороо, Өнөр хорооллын гудамжинд 18 рейсээр 108 тонн,
• Баянгол дүүргийн 20-р хороо, Ажилчны гудамж, “Акума” төв орчмоос таван рейсээр 50 тонн,
• Хан-Уул дүүрэг 3-р хороо, Нарны гүүрний урд хэсэгт 13 рейсээр 130 тонн,
• Баянзүрх дүүргийн 29-р хороо, Дарь-Эхийн “Хас” захын урд замд 64 рейсээр 516 тонн, хоёр помпоор 1020 тонн,
• Баянзүрх дүүргийн 5-р хороо, Монелийн сувгийн далд хэсгээс моторт помпоор 1200 тонн,
• Сонгинохайрхан дүүргийн 6, 23, 27–р хорооны нутаг дэвсгэрт харьяалагдах Намгийн сувгийн бөглөрлийг гаргаж, насосоор 900 м3, “Гэгээн манал” эмнэлгийн зогсоолоос 600 м3 ус тус тус соруулж ажиллав.

 Дээрх найман байршилд айл өрх албан байгууллага, авто зам руу ус орохоос сэргийлж, аюулгүй байдлыг хангахаас гадна бусад байршлуудад үзлэг шалгалт хийж, иргэдэд зөвлөгөө мэдээлэл өгсөн байна.

Эх сурвалж: Геодези, усны барилга байгууламжийн газар