ОХУ-ын нийслэл Москвагийн ойролцоох томоохон концертын газар Crocus City Hall-д болсон халдлагын тухай мэдээллийг BBC агентлаг шууд дамжуулж байна. Тэдний хамгийн сүүлийн үеийн мэдээллээр тус халдлагад амиа алдсан хүний тоо 60 гаруй болж нэмэгджээ.

Эх сурвалжуудын өгүүлж буйгаар ОХУ-д сүүлийн 20 гаруй жилийн хугацаанд энэ хэмжээний хадлага болж байгаагүй аж. Хэргийн газарт мөрдөн байцаагчид шөнөжин ажиллаж, зэвсэгт этгээдүүдийн орхисон зэвсэг, сум зэрэг нотлох баримт цуглуулсан байна. Халдлага үйлдэгсдийн тухайд Оросын албаны хүмүүс маш бага мэдээлэл өгсөн бөгөөд эрэн хайх ажиллагааг эхлүүлсэн гэж мэдэгджээ.

Исламын шашинтай улсын бүлэглэлийн салбар байж болзошгүй гэдэг мэдээлэл байгаа ч үүнд  Москвагийн зүгээс мэдэгдэл хийгээгүй байна. Мөн саяхан улирч сонгогдсон Ерөнхийлөгч Владимир Путин халдлагын талаар хараахан тайлбар хийгээгүй байгаа юм.

Харин өглөөнөөс эхлэн Москва болон бусад газар, хотод сурталчилгааны самбарт асаж буй лааны дүрс болон "Скорбим" - Бид гашуудаж байна" гэсэн бичгийг гаргаж, халдлагын улмаас амиа алдсан хүмүүст эмгэнэл илэрхийлж байна.

Эх сурвалж: BBC