Хаваржилтын нөхцөл байдал хүндэрсэн аймгуудын онцгой комисс болон гамшгаас хамгаалах орон нутгийн алба, нэгжүүд өчигдрийн байдлаар 194 малчин өрхөд эрүүл мэндийн тусламж, 250 малчин өрхөд хоол хүнсний тусламж үйлчилгээ, 1544 малчин өрхөд өвс тэжээл хүргэх ажлыг зохион байгуулсан байна. Уг ажилд давхардсан тоогоор 226 албан хаагч, 85 техник хэрэгсэлтэйгээр оролцжээ.
Мөн Монгол Улсад суугаа гадаадын дипломат төлөөлөгчийн газрууд болон бусад улс орнууд 3,6 сая мянган долларын санхүүжилтийг босгож, үндэсний хэмжээнд зудад нэрвэгдсэн аймаг, сумдын малчдад хандивлаад байна.
