Монгол Улсын Сонгуулийн ерөнхий хорооны дарга П.Дэлгэрнаран Их Британи Умард Ирландын Нэгдсэн Хаант Улс (ИБУИНХУ)-аас Монгол Улсад суух Онц бөгөөд бүрэн эрхт Элчин сайд Фиона Блайтыг өнөөдөр хүлээн авч уулзлаа.

Уулзалтаар хоёр улсын сонгуулийн байгууллагын хамтын ажиллагааны талаар санал солилцов. ИБУИНХУ-ын сонгуулийн байгууллагаас туршлага судалж, мэргэжилтнүүдийг чадавхжуулах чиглэлээр хамтран ажиллах саналтай байгаагаа Сонгуулийн ерөнхий хорооны дарга П.Дэлгэрнаран уламжиллаа. Элчин сайд Фиона Блайт саналыг бүрэн дэмжиж, идэвхтэй хамтран ажиллахаа илэрхийлэв.

Мөн Сонгуулийн ерөнхий хорооны чиг үүрэг, бүрэлдэхүүний тухай товч танилцуулж, хоёр улсын сонгуулийн зохион байгуулалтын талаар мэдээлэл солилцсон юм.