Англи хэлээр бичиж Их Британи, Ирланд улсад хэвлүүлсэн шилдэг уран зохиолын бүтээлийг жил бүр тодруулдаг “Book Prize” өнгөрөгч ням гарагт /2023.11.26/ Лондоны “Олд Биллинггэйт” танхимд боллоо.

Энэ жилийн шилдгээр Ирландын зохиолч Пол Линчийн 2023 онд хэвлүүлсэн “Зөнчийн дуу” роман тодорч 50 мянган фунт стерлингийн шагнал, ялагчийн цомыг хүртжээ. Тэрбээр уг шагналыг хүртсэн тав дахь ирланд гаралтай зохиолч юм.

Эл үйл ажиллагаа нь зөвхөн тэргүүлэгчийг шалгаруулаад зогсохгүй зургаан шилдэг зохиолчийн бүтээл тус бүрд 2500 фунт стерлингийн шагнал хүртээдэг уламжлалтай аж.