Монгол Улсаа төлөөлөн Азийн бүсийн оюутны програмчлалын 47 дугаар олимпиадад оролцсон МУИС-ийн нэгдүгээр баг мөнгөн медаль хүртжээ. Макао улсад болсон тус олимпиадад 63 их, дээд сургууль, коллежийн 82 багтай  МУИС-ийн МТЭС-ийн багш Г.Багаболд дасгалжуулагчтай, оюутан Б.Төрхүү, Д.Чингүүн, Х.Цэлмэг нарын бүрэлдэхүүнтэй манай баг программчлалын ур чадвараа сорин өрсөлдөж ийнхүү амжилт үзүүлсэн байна.  

Олимпиад энэ сарын 19-ний өдөр албан ёсоор эхэлсэн бөгөөд 20-24-ний өдрүүдэд оролцогч багуудын илгээсэн бодолтыг нарийн түвшинд өндөр хяналттайгаар шалгаж, баталгаажуулсан ажээ.

Гэрэл зургийн эх сурвалж: num.edu.mn сайт