Улсын хэмжээнд өнөөдөр /2025.07.24/ 11:00 цагийн байдлаар 22 ойн түймэр асаж байгаагаас Сэлэнгэ аймгийн Ерөө суманд дөрөв, Хүдэр суманд нэг, нийт таван түймрийг цурамд орууллаа гэж ОБЕГ-аас мэдээллээ.

Онцгой байдлын байгууллагын алба хаагчид Сэлэнгэ аймгийн Хүдэр болон Ерөө суманд тус бүр тав, Мандал суманд зургаа, Хэнтий аймгийн Өмнөдэлгэр суманд асаж буй нэг буюу нийт 17 түймрийг унтраахаар ажиллаж байна.

Зөвхөн энэ долоодугаар сар гарснаас хойш буюу 24 өдрийн хугацаанд Булган, Баян-Өлгий, Дорнод, Төв, Хэнтий, Сэлэнгэ аймагт 59 ой, хээрийн гал түймэр бүртгэгдсэн байна. Тэдгээр түймрээс 37 ой, хээрийн гал түймрийг бүрэн унтраагаад байгаа юм. Ингэхдээ Баян-Өлгий, Дорнод аймагт гарсан хоёр түймрээс бусад 57 түймрийг хиймэл дагуулын дулаан илрүүлэх сайтаас ирүүлж, унтраах ажиллагааг зохион байгуулсан байна.

Он гарсаар 13 аймгийн 71 сум, нийслэлийн гурван дүүрэгт нийт 204 удаагийн ой, хээрийн гал түймэр бүртгэгджээ.