Улсын Их Хурлын дарга Д.Амарбаясгалан өнөөдөр /2025.07.10/ Хууль зүй, дотоод хэргийн яаманд ажиллажээ. Хууль зүй, дотоод хэргийн сайд Л.Мөнхбаатар эрх зүйн дунд хугацааны бодлогын баримт бичиг болох “Эрх зүйн шинэтгэл-II” хөтөлбөрийн төслийн боловсруулалтын явц болон цаашид хийхээр зорьж буй эрх зүйн шинэтгэлийн талаар танилцуулсан байна.

Мөн хууль зүй, дотоод хэргийн салбарын алба хаагчдын нийгмийн хамгаалал, эрүүл мэндийн үйлчилгээг сайжруулах, салбарын хүний нөөцийг чадавхжуулах, ялангуяа гадаад улсад сургаж, дадлагажуулах зэрэг асуудлаар ярилцжээ.