Монгол Улсын Ерөнхийлөгчийн 102 дугаар зарлигаар өнөөдөр /2025.07.10/ ШШЕГ-ын дарга, хурандаа Б.Нандинболор, ЦЕГ-ын Дэд бөгөөд Стратеги, бодлого, инновац хөгжлийн албаны дарга, цагдаагийн хурандаа О.Ганбат нар бригадын генерал цол хүртсэн.

Шинэхэн генералуудыг Хууль зүй, дотоод хэргийн сайд Л.Мөнхбаатар хүлээн авч уулзан хүндэтгэл үзүүлсэн байна. Тэрбээр уулзалтын үеэр “Эх орныхоо аюулгүй байдал, тусгаар тогтнол, ард иргэдийнхээ амар тайван амьдралын төлөө өргөсөн тангарагтаа үнэнч зүтгэж, цэргийн дээд цол хүртсэн хоёр бригадын генералынхаа цаашдын ажил үйлсэд салбарынхаа бие бүрэлдэхүүний өмнөөс баяр хүргэж цаашдын ажил хөдөлмөрт нь амжилт хүсье” гэв.

Ийнхүү шүүхийн шийдвэр гүйцэтгэх байгууллага 10 дахь, цагдаа, дотоодын цэргийн байгууллага 20 дахь генералаа угтан авч буй юм.

ХЗДХ-ийн сайд салбарынхаа шинэхэн генералуудад хүндэтгэл үзүүлжээ.