Идэр, Орхон, Онги, Туул голын усны түвшин 10-50 см нэмэгджээ.
Цаг уур, орчны шинжилгээний газраас үерийн аюулаас урьдчилан сэргийлэх мэдээллийг хүргэж байна.
Хөвсгөлийн уулсаас эхтэй Бэлтэс, Үүр,
Хангай нуруунаас усжих Идэр /Тосонцэнгэл/, Сэлэнгэ /Тосонцэнгэл/, Орхон /Бат-Өлзий, Хархорин/, Чулуут, Урдтамир, Завхан, Заг, Шаргалжуут, Онги /Арвайхээр/,
Хэнтий нурууны баруун хажуугийн Туул /Лүн/ зэрэг голын усны түвшин өмнөх өдрөөс 10-50 см нэмэгджээ.
Иймд дээрх голуудын эрэг хөвөө, сав дагуу нутаглаж буй малчид, тариаланчид, аж ахуйн нэгж байгууллага, ард иргэдийг үерийн аюулаас сэрэмжтэй байхыг анхааруулж байна.
