Цаг уур орчны шинжилгээний газраас гаргасан ирэх өдрүүдийн цаг агаарын урьдчилсан төлвийг хүргэж байна. 

25-26-нд шилжих шөнө Хэнтий, Дорнод аймгийн нутгаар нойтон цас, цас орж цасан шуурга шуурч, Дундговь, Өмнөговь, Говьсүмбэр, Дорноговь аймгийн нутгаар салхи, шороон шуурга шуурахыг онцгойлон анхаарууллаа. 

Хур тунадас:

29-нд Хэнтийн уулс, Онон, Улз голын хөндийгөөр, 30-нд Монгол-Алтай, Хангай, Хөвсгөлийн уулархаг нутаг, Халх голын сав газраар ялимгүй хур тунадас орно. Бусад хугацаанд нийт нутгаар хур тунадас орохгүй. 

Салхи:

29-нд тал хээрийн нутгаар, 30-нд Алтайн уулархаг нутаг, говь, тал хээрийн нутгаар секундэд 15-17 метр хүрч ширүүсэж, шороон шуурга шуурна. 

Агаарын температур:

27-ноос ихэнх нутгаар дулаарч Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Идэр, Тэс голын хөндийгөөр шөнөдөө -3…-8 хэм хүйтэн, өдөртөө +9...+14 хэм, говийн бүс нутгийн өмнөд хэсгээр шөнөдөө +5...+10 хэм, өдөртөө +21…+26 хэм, бусад нутгаар шөнөдөө -3…+2 хэм, өдөртөө +15...+20 хэм дулаан байна. 29-нд нутгийн зүүн хойд хэсгээр сэрүүснэ.

Б.Лувсанпэрэнлэй