“Тусгаар тогтнол 3333” хөтөлбөрийн хүрээнд Ардын уран зохиолч Д.Пүрэвдоржийн “Тусгаар тогтнол” шүлгийг ерөнхий боловсролын сургуулийн 1-8 дугаар ангийн 3333 сурагчдаар уншуулах үйл ажиллагааг өнөөдөр Д.Сүхбаатарын нэрэмжит төв талбайд болно. 

Тус үйл ажиллагаанд оролцох сурагчдын аюулгүй байдлыг хангах, зам тээврийн осол зөрчлөөс урьдчилан сэргийлэх, хөдөлгөөний аюулгүй байдлыг хангуулах үүднээс талбайн зүүн, баруун талын авто замын хөдөлгөөнийг түр хязгаарлах болсныг Тээврийн цагдаагийн албанаас мэдээллээ.

Төв талбайн баруун, зүүн талын авто замын хөдөлгөөнийг өнөөдөр 09:00-14:00 цагийн хооронд түр хязгаарлах тул иргэд, жолооч та бүхэн бусад зам, маршрутыг сонгон хөдөлгөөнд оролцохыг уриаллаа.

Б.Лувсанпэрэнлэй