Монголын Допингийн эсрэг үндэсний байгууллагаас допингийн шинжилгээний үр дүн, зөрчил, авсан арга хэмжээний талаар мэдээллээ.
Допингийн эсрэг үндэсний дүрмийн дагуу үндэсний бөхийн тамирчдаас допингийн хяналтын зорилгоор тэмцээний болон тэмцээний бус үеийн шинжилгээнд биологийн сорьц цуглуулан авч Дэлхийн допингийн эсрэг агентлагийн итгэмжлэгдсэн ХБНГУ, БНСУ, Швейцарь зэрэг улсын лабораторид хүргүүлэн шинжлүүлжээ.
Шинжилгээний үр дүнд 13 бөхөөс хориотой эм бэлдмэл буюу допингийн төрлийн бодис илэрсэн байна. Допингийн зөрчил гаргасан тухайн тамирчны барилдах эрхийг 2-4 жилээр түтгэлзүүлэх шийтгэл оноож зарим бөхийн барилдах эрхийг түр түдгэлзүүлжээ.
Допингийн шинжилгээнд зөрчил илэрсэн тамирчид дүрмийн дагуу дараах эрхийг эдлэх боломжтой юм байна.
1. Лабораторийн шинжилгээний хуудас, А сорьцын баримт бичгийн багцыг нэмэлтээр авах
2. В сорьцыг шинжлүүлэх
3. Тайлбар өгөх
4. Допингийн эсрэг үндэсний дүрмийн хүрээнд хамтран ажиллах нөхцөлийг бүрдүүлэх
Допингийн эсрэг үндэсний байгууллагаас хяналт, үр дүнгийн талаарх мэдээллийг олон нийтэд тухай бүрд нь хүргэн ажиллах болно гэлээ.
Эх сурвалж: Монголын Допингийн эсрэг үндэсний байгууллага
Б.Лувсанпэрэнлэй
