Хүнсний хувьсгал үндэсний хөтөлбөрийн хүрээнд хил хамгаалах байгууллагаас алба хаагчдад цай, кофены соёлыг түгээх, тэдний ажлын бүтээмжийг нэмэгдүүлэх зорилготой үйл ажиллагааг хэрэгжүүлж буй билээ. Үүний хүрээнд Хилийн цэргийн 0198 ангид "Нөмрөг" кофе шоп байгуулан ашиглалтад оруулжээ. 

Кофе шоп байгуулах ажлыг тус ангийн барилга орон сууцны албаныхан болон бусад алба хаагч нэг сарын хугацаанд гүйцэтгэжээ. Мэргэжлийн түвшинд үйл ажиллагаа явуулж, үйлчилгээ хүргэхийн тулд ангийн хоёр алба хаагчийг баристагийн сургалтад хамруулсан байна. 

Хилийн цэргийн 0198 ангид "Нөмрөг" кофе шоп байгуулан ашиглалтад оруулжээ. 

Нөмрөг кофе шоп төрөл бүрийн кофе, цайнаас гадна хилчин бүсгүйчүүдийн бэлтгэсэн амтат нарийн боов, Чойбалсан хот дахь "Жүр үр" ХХК-ийн бялуугаар үйлчилж байгаа ажээ.

Хилийн цэргийн 0198 ангид "Нөмрөг" кофе шоп байгуулан ашиглалтад оруулжээ. 

Сонирхуулахад, Нөмрөг гол монгол орны нутаг дэвсгэрийн хамгийн зүүн цэг Соёлз уулын салбар уулсаас эх авч урсан Халх голтой нийлдэг. Байгалийн үзэсгэлэнт Халх, Нөмрөгийн сав газрын унаган төрхийг хадгалан хамгаалах зорилгоор Нөмрөгийн дархан цаазат газрыг байгуулсан байдаг билээ. Энэхүү үзэсгэлэнт голын нэрээр Хилийн цэргийн 0198 дугаар ангийнхан кофе шопоо нэрлэсэн байна. 

Хилийн цэргийн 0198 ангид "Нөмрөг" кофе шоп байгуулан ашиглалтад оруулжээ. 

Б.Лувсанпэрэнлэй