”Эрдэнэс Тавантолгой” ХК-ийн өнгөрсөн оны ногдол ашгийн талаар Засгийн газрын өнөөдрийн хуралдаанд танилцуулга хийжээ.  

Тус компанийн ТУЗ-ийн тогтоолоор өнгөрсөн оны цэвэр ашгаас 1,072 хувьцаатай нэг иргэнд 350 мянган төгрөгийн ногдол ашгийг гурав хувааж олгохоор шийдвэрлэсэн бөгөөд гурав дахь удаагийн олголтыг энэ сард олгохоор болжээ. Хувь хүний орлогын албан татварыг хассан дүнгээр 93,500 төгрөг, иргэн, аж ахуйн нэгжид нийт 308 тэрбум төгрөгийн ногдол ашиг олгох юм байна. 

“Эрдэнэс Тавантолгой” ХК нь өнгөрсөн оны гүйцэтгэлээр 30.4 сая тонн нүүрс олборлож, 3.0 тэрбум ам.долларын үнэлгээтэй 29.6 сая тн нүүрс борлуулж, улсын төсөвт татвар, хураамж хэлбэрээр нийт 3.5 их наяд төгрөг төвлөрүүлжээ.

Б.Лувсанпэрэнлэй