Нийслэлийн удирдах ажилтнуудын шуурхай  зөвлөгөөн өнөөдөр /2025.03.31/  боллоо. Хуралдааны үеэр нийслэлийн Засаг дарга Х.Нямбаатар, зарим ААН-ийг хүүхдэд чиглэсэн ажилд хамтран ажиллахгүй байна хэмээн шүүмжиллээ.

Тэрбээр “Сургууль, цэцэрлэгийн хүртээмж муу байршил хэд хэд бий. Үүний нэг нь БЗД-ийн  VI хороо. Тус хороонд ганцхан улсын сургууль байдаг нь 21 дүгээр сургууль. Иргэд өөрсдөө шийдэл хайгаад "Наран трейд"-ийн эзэмшлийн цэцэрлэгийн зориулалт бүхий хуучны байрыг бага сургууль болгон ашиглах хүсэлт гаргасан. Бид зөвшилцөж, тус барилгыг худалдаж авах санал гаргасан. Гэвч 30 жил ашиглаагүй байгаа газраа хав дараад таг чиг болсон. С.Болдхэт гэж захирлыг олон удаа дуудсан ч ирээгүй. Тэр хүний газрын болон бусад зөвшөөрлийг цуцална" хэмээн мэдэгдлээ.

Мөн хүүхдийн төлөө хийж буй ажилд хамтарч ажиллахгүй бол тус ААН-тэй холбоотой зөвшөөрөл, бичиг цаасны ажлыг зогсооно гэв. 

Б.Лувсанпэрэнлэй