Иргэн Б.Батбилэгийн санаачилсан Нийгмийн даатгалын шимтгэлийн хувь хэмжээг бууруулж, 12 хувьд хүргэх өргөдөлд гарын үсэг цуглуулж эхэлсэн. 

Өргөдлийг дэмжиж буй иргэдийн цахим гарын үсгийг энэ сарын 26-наас авч эхэлсэн бөгөөд ирэх сарын 25-ныг хүртэл d.parliament.mn сайтаар дамжуулан авна. Өнөөдрийн байдлаар 24 мянга гаруй хүн гарын үсэг зуржээ.

Тухайн өргөдлийг санаачлагч “Жил бүр олгодог 1072 хувьцааны ноогдол ашгийг ажил эрхлэгч өөрийн хүсэлтээр нийгмийн даатгалын санд шилжүүлж, дараа жилийн нийгмийн даатгалын шимтгэлийг 12 хувь хүртэл бууруулж өгдөг байх.  Энэ нь бараа бүтээгдэхүүний үнийн өсөлт инфляцад нөлөөлөхгүй байх төгрөгийн ханш унахгүй байх боломжийг бүрдүүлнэ” хэмээн үзэж байгаа ажээ. 

Өргөдөлд 100 мянган хүн гарын үсэг зурснаар уг саналыг хэлэлцэх боломжтой болох юм. Уншигч та уг цахимд өргөдөл гарын үсэг зурахыг хүсвэл энд дарна уу.

Б.Лувсанпэрэнлэй