Цаг уур, орчны шинжилгээний газраас гаргасан ирэх 10 /2025.03.28-04.06/ хоногийн цаг агаарын урьдчилсан төлвийг хүргэж байна. 

Энэ сарын 29-31-нд нутгийн зүүн хэсгээр хүйтэн, салхитай байх боловч, дөрөвдүгээр сарын 1-ээс ихэнх нутгаар цаг агаар тогтуун, дулаарна.

Хур тунадас:

29, 30-нд Хэнтийн уулсаар, 31-нд нутгийн зүүн хойд хэсгээр, дөрөвдүгээр сарын 1-нд нутгийн зүүн хэсгээр, 2-нд Алтай, Хангайн уулархаг нутгаар, 3-нд төв болон говийн аймгуудын нутгийн зарим газраар, 4-нд нутгийн зүүн өмнөд хэсгээр цас орж, явган шуурга шуурна.

Салхи:

Хугацааны эхэнд говь, тал, хээрийн нутгаар секундэд 14-16 метр хүрч ширүүснэ, бусад хугацаанд ихэнх нутгаар секундэд 5-10 метр.

Агаарын температур:

Ихэнх нутгаар өдөртөө дулаарч Увс нуурын болон Дархадын хотгор, Завхан голын эх, Идэр, Тэс, Байдраг голын хөндийгөөр шөнөдөө -21...-26 хэм, өдөртөө -6...-11 хэм,

Монгол-Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -13...-18 хэм, өдөртөө -1...-6 хэм хүйтэн,

Говийн бүс нутгийн өмнөд хэсгээр шөнөдөө -3...-8 хэм хүйтэн, өдөртөө +5...+10 хэм дулаан, бусад нутгаар шөнөдөө -8...-13 хэм хүйтэн, өдөртөө +1...+6 хэм дулаан байна.