Иргэн Р.Шинэгэрэл санаачлан хувь хүний цалин, орлогоосоо төлдөг ашгийн татварыг 10 хувь биш нэг хувь болгож бууруулах, “Иргэн баян бол улс хөгжинө!” өргөдөлд гарын үсэг цуглуулж эхэлсэн. 

Өргөдлийг энэ сарын 25-наас эхэлж d.parliament.mn сaйтад албан ёсоор байршуулсан бөгөөд 100 мянган иргэн дэмжснээр уг саналыг хэлэлцэх боломжтой юм. 

Тухай өргөдөлд хувь хүний орлогын албан татварын тухай хуулийн 6.3-д заасан орлогод ногддог албан татварын хэмжээг нэг хувь болгож бууруулах, үүнд: 

6.3.1. Цалин, хөдөлмөрийн хөлс, шагнал, урамшуулал болон тэдгээртэй адилтгах хөдөлмөр эрхлэлтийн орлого,

 6.3.2. Үйл ажиллагааны орлого, 

6.3.3. Хөрөнгийн орлого, 

6.3.4. Хөрөнгө борлуулсан, шилжүүлсний орлого, 

6.3.5. Шууд бус орлого, 

6.3.6. Бусад орлогыг тооцох саналыг гаргажээ. 

Гарын үсгийг ирэх сарын 24-ийг хүртэл авах бөгөөд одоогийн байдлаар 73700  хүн дэмжиж санал өгсөн байна. Уншигч та уг цахимд өргөдөл гарын үсэг зурахыг хүсвэл энд дарна уу. 

Б.Лувсанпэрэнлэй