Мьянмарын Холбооны Бүгд Найрамдах Улсын Сагайнг хотод өнөөдөр /2025.03.28/  болсон 7.7 магнитудын хүчтэй газар хөдлөлтийн улмаас Зүүн Өмнөд Азийн бүс нутгийн Тайланд, Вьетнам зэрэг улсад тус газар хөдлөлтийн чичирхийлэл хүчтэй мэдрэгджээ.  

Мөн өнөөдрийн 15 цаг 30 минутын үед дахин 6.7 балл газар хөдлөх магадлалтайг холбогдох байгууллагаас мэдээлжээ. 

Иймд  тухайн бүс нутагт оршин суугаа болон аялал, амралтаар яваа монгол иргэд та бүхэн өндөр байшин, барилга, мод, гэрэл болон цахилгааны шонгоос хол байж, өөрийгөө болон гэр бүлийн гишүүдээ аюулгүй, задгай талбайд нүүлгэн шилжүүлэхийг Гадаад харилцааны яамнаас анхаарууллаа. 

Түүнчлэн газар хөдлөлтийн улмаас бэртэж, гэмтсэн, эсхүл найз, нөхөд, хамаатан садан, гэр бүлийн гишүүн нь холбоо тасарсан, холбогдох боломжгүй болсон тохиолдолд мэдээллийг Элчин сайдын яамны +66 061-026-9692, +66 082-003-8683 шуурхай утсаар яаралтай мэдээллэхийг хүслээ. 

Б.Лувсанпэрэнлэй