03 сарын 26, 2025
Элсэлтийн шалгалт түүх, англи хэлний хичээлээр эхэлнэ
Элсэлтийн шалгалт түүх, англи хэлний хичээлээр эхэлнэ

Элсэлтийн  шалгалтыг энэ жил зургаадугаар сарын 18-21-ний өдрүүдэд зохион байгуулна.

Элсэлтийн  шалгалтыг энэ жил зургаадугаар сарын 18-21-ний өдрүүдэд зохион байгуулах юм байна. Бүртгэл хоёрдугаар сарын 17-нд эхэлсэн бөгөөд дөрөвдүгээр сарын 20-ны 18:00 цаг хүртэл үргэлжилнэ. 

Шалгуулагч нь eyesh.eec.mn цахим хаяг руу хандан зөвхөн өөрийн и-мэйл хаягаар бүртгүүлэх боломжтойг зохион байгуулагчдын зүгээс мэдээлж байна.

Бүртгүүлэхдээ дараах материалыг бэлтгэсэн байх шаардлагатай юм байна.

1. Иргэний үнэмлэх болон түүнтэй адилтгах баримт бичиг /иргэний үнэмлэхийн лавлагаа, гадаад паспорт мөн гадаадын иргэний Монгол Улсад оршин суух түр үнэмлэх/ 

2. Өнгөт цээж зураг /цээж зураг нь 3*4 хэмжээтэй, сүүлийн гурван сарын дотор авхуулсан, урагш цэх харсан, арын фон нь цайвар цулгуй өнгийн, нарны шил болон малгайгүй байна/

3. Бүх банкны интернэт гүйлгээ хийх эрхтэй төлбөрийн карт  

4. Тусгай хэрэгцээ шаардлагатай  болон тусгай сургуулийн суралцагч элсэлтийн шалгалтад орохоор бүртгүүлсэн бол Боловсролын үнэлгээний  төвд эмчийн магадалгаа, сургуулийн тодорхойлолт, өргөдлийг бүртгэлийн хугацаанд гаргана.

Элсэлтийн шалгалтын хуваарийг хүргэе. 

Зургаадугаар сарын 18 /Лхагва гараг/ 

Түүх - 10:00-11:20  

Англи хэл - 14:00-15:20  

Зургаадугаар сарын 19 /Пүрэв гараг/ 

Хими – 10:00-11:40 

Газарзүй – 13:00-14:20  

Нийгэм судлал – 16:30- 17:50 

Зургаадугаар сарын 20 /Баасан гараг/

Биологи – 10:00-11:20  

Математик – 14:00-15:20  

Зургаадугаар сарын 21 /Бямба гараг/ 

Физик – 10:00-11:40  

Орос хэл – 13:00- 14:20  

Монгол хэл – 16:00-17:20  

Элсэлтийн шалгалтыг улс орон даяар 52 шалгалтын байранд зохион байгуулах бол орон нутагт 23, нийслэлд 29 шалгалтын төв ажиллах юм байна. 

Монгол хэл, бичгийн шалгалтын суудлын хуваарийг ирэх сарын нэгний өдөр зарлах ажээ. 

Б.Лувсанпэрэнлэй