Монгол Улсын Засгийн газар өнөөдөр /2025.03.26/ хуралдсан. Хуралдааны дараа Боловсролын сайд П.Наранбаяр мэдээлэл хийв. 

Тэрбээр “Төрийн бүтээмжийн зөвлөлтэй хамтарч боловсролын салбарын удирдлага, менежментийг авч яваа голлох дөрвөн байгууллагын чиг үүргийн давхцлыг судалж үзлээ. Сонирхолтой үр дүн гарсан. Үүнд, Боловсролын яам, Боловсролын ерөнхий газар, Боловсролын үнэлгээний төв, Боловсролын судалгааны үндэсний хүрээлэн хамрагдсан. Үр дүнгээс 73 албан тушаалыг хөдөлгөх шаардлагатай нь харагдлаа. Мөн чиг үүрэг давхцаж байгаа 30 албан тушаалтныг цомхотгоно” гэлээ.  Ингэснээр 900 сая төгрөгийн цалингийн зардлын хэмнэлт гаргах дүгнэлтэд хүрсэн ажээ. 

Эдгээр байгууллагад нийт 361 хүн ажиллаж байгаа бөгөөд нийт 81 ажлын байрны  чиг үүрэг давхцсан судалгаа гарчээ. 

 Б.Лувсанпэрэнлэй