Сагсан бөмбөгийн 3х3-ын Азийн аварга шалгаруулах тэмцээн Сингапур улсад өнөөдөр эхэллээ. Дөрвөн өдөр үргэлжлэх тус тэмцээнд 48 баг оролцож байгаагаас үндсэн шатанд эрэгтэй, эмэгтэй тус бүр 12 улсын шигшээ өрсөлдөх юм байна. 

Өнөөдөр, маргааш урьдчилсан шатны тоглолтууд дуусах бол энэ сарын 28-аас хэсгийн тоглолтууд албан ёсоор эхэлнэ. Манай улсын эрэгтэй шигшээ баг чансаагаараа бүх оролцогчийг тэргүүлж байгаа бөгөөд “А” хэсэгт багтсан. Тэгвэл эмэгтэйчүүд чансааны хоёрдугаар жагсаж “В” хэсэгт багтлаа.

Монголын эрэгтэй, эмэгтэй шигшээ багийн тоглолт энэ сарын 29-нд болох бөгөөд тоглолтын хуваарийг хүргэе. 

Гуравдугаар сарын 29 /Улаанбаатарын цагаар/

14:55 цагт: Монгол vs Урьдчилсан шатнаас шалгарсан баг /эм/

18:55 цагт: Монгол vs Сингапур /эр/

19:45 цагт: Монгол vs Тайланд /эм/

20:35 цагт: Монгол vs Урьдчилсан шатнаас шалгарсан баг /эр/

Монголын эрэгтэй баг ААШТ-ээс алт, хүрэл медаль хүртэж байсан бол эмэгтэйчүүд өнгөрсөн жил хүрэл медаль хүртсэн амжилт үзүүлсэн. 

Б.Лувсанпэрэнлэй