Улаанбурхан өвчний лабораториор батлагдсан 93 тохиолдол бүртгэгдээд байгаа тухай Халдварт өвчин судлалын үндэсний төвөөс өнөөдөр мэдээллээ.

Тус өвчний тохиолдлууд ихэвчлэн Ерөнхий боловсролын сургуульд голомтлон гарч байгаа аж. Иймээс суралцагчид болон тэдний гэр бүлийнхнийг халдвараас сэргийлж өөрийгөө болон бусдыг эрсдэлээс хамгаалахын тулд улаанбурханы эсрэг вакцинд хамрагдахыг эрүүл мэндийн байгууллагаас уриалсаар байна.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин. Уншигч танд энэ өвчин болон вакцины талаар тодруулах, лавлах зүйл байвал 8901-6199, 7510-3100 утсанд хандах боломжтой юм байна. 

Б.Лувсанпэрэнлэй