Нийслэлийн иргэдийн, төлөөлөгчдийн хурлын ээлжит бус тавдугаар хуралдаан өнөөдөр болж Улаанбаатар метро төслийн шинэчилсэн ТЭЗҮ-ийг батлах асуудлыг хэлэлцэж байна.

Хуралдааны үеэр Улаанбаатар метро төслийн захирал Т.Мөнхдалай "ТЭЗҮ-ээс үзвэл 2030 оны 10 дугаар сард метро үйлчилгээнд гарч бүрэн ашиглалтад орно" гэлээ. 

Метроны боловсон хүчин бэлтгэх багш нарыг БНСУ руу явуулж, сургалтад хамруулж байгаа юм байна. Мөн төслийн инженер, техникийн ажилтнуудыг бэлтгэхээр ШУТИС, БНСУ-ын Халла их сургуульд "2+2" хөтөлбөрөөр эхний ээлжид 200 оюутныг сургахаар харилцан тохирчээ. 

Улаанбаатар метро төслийн захирал Т.Мөнхдалай "Норвегийн Осло, ӨМӨЗО-ны Хөх хот, Япон улсын Хоккайдо зэрэг манай улстай ижил төстэй цаг агаартай хотуудын метро төслийг судалсан. Улаанбаатар хотын метроны 19.4 км шугамын 19.1 км нь газар доогуур хийгдэнэ. Нийт 42 цэгт 30 метрийн гүнд геологийн өрөмдлөг хийсэн. Газрын гүнд өвөлдөө нэмэх хэмтэй байдаг учир өвөл, зун хамаагүй ажил зогсохгүй явна" хэмээв.

Улаанбаатар метро төслийн захирал Т.Мөнхдалай

Б.Лувсанпэрэнлэй